អន្តរជាតិ៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន និយាយកាលពីថ្ងៃពុធ ថារុស្ស៊ីនឹងធ្វើអ្វីគ្រប់យ៉ាងដើម្បីស្វែងរកការសម្របសម្រួលលើបញ្ហាអ៊ុយក្រែន បន្ទាប់ពីបានជួបពិភាក្សាជាមួយប្រធានាធិបតីបារាំង អេម៉ានូអែល ម៉ាក្រុង នៅវិមានក្រឹមឡាំង។ លោក ពូទីន ក៏បាននិយាយផងដែរថា កិច្ចប្រជុំកំពូលនៅទីក្រុងមូស្គូលើកដំបូងដែលលោកបានធ្វើឡើងជាមួយមេដឹកនាំលោកខាងលិច ចាប់តាំងពីវិមានក្រឹមឡាំងបានចាប់ផ្តើមប្រមូលផ្តុំកងទ័ព ប៉ុន្តែក៏មានការព្រមានម្តងហើយម្តងទៀតអំពីការគំរាមកំហែងនៃសង្រ្គាមបើអ៊ុយក្រែនក្នុងការចូលរួមជាមួយណាតូ។
នៅក្នុងសន្និសីទសារព័ត៌មានរួមគ្នាមួយ បន្ទាប់ពីកិច្ចពិភាក្សាជាមួយសមភាគីបារាំង លោកប្រធានាធិបតី អេម៉ានូអែល ម៉ាក្រុង និងលោក វ្ល៉ាឌីមៀ ពូទីន បាននិយាយថានឹងគ្មានអ្នកឈ្នះទេ ប្រសិនបើបណ្តាប្រទេសនៅអឺរ៉ុបត្រូវបានទាញចូលទៅក្នុងជម្លោះយោធាជាមួយរុស្ស៊ី។
លោក ពូទីន បាននិយាយដោយសង្កត់ធ្ងន់ថា៖ «ប្រសិនបើអ៊ុយក្រែនចូលរួមជាមួយអង្គការណាតូ ហើយព្យាយាមដណ្តើមយកតំបន់គ្រីមៀមកវិញដោយមធ្យោបាយយោធានោះបណ្តាប្រទេសនៅអឺរ៉ុបនឹងត្រូវបានទាញចូលទៅក្នុងជម្លោះយោធាដោយស្វ័យប្រវត្តិជាមួយរុស្ស៊ី។ វានឹងមិនមានអ្នកឈ្នះទេ» ៕
